”Janë të pështira dhe të turpshme”, Franko Egro kritikon përplasjet e brendshme të politikës shqiptare mbi UÇK-në

Procesi gjyqësor i ish-drejtueseve më të lartë të Ushtrisë Çlirimtare të Kosovës ka përplasur edhe palët politike në Shqipëri.

Partia Socialiste ka kërkuar shpjegime për kreun e PD-së, të cilin e akuzon se ka fshehur një kasetë me pamje të masakrës serbe të bërë ndaj shqiptarëve në zonën e Krushës së Madhe në Kosovë.

Kjo akuzë është hedhur poshtë nga lideri i PD-së, i cili është shprehur se kjo është një lojë e qeverisë, dhe Rama kërkon të largojë vëmendjen nga dështimet e brendshme në Shqipëri. 

Gazetari Franko Egro në studion e Euronews Albania i cilësoi akuzat e partive politike shqiptare si të pështirë, që në thelb nuk i ndihmojnë katër ish-krerët e Ushtrisë Çlirimtare të Kosovës në Gjykatën e Hagës.

“Për mua është e pështirë, është e turpshme kjo që po ndodh. Nuk e ndihmon çështjen që katër liderët e UÇK-së po deponojnë në Hagë dhe filloi një gjyq i gjatë ndaj tyre, dhe kam përshtypjen se duket si luftë e brendshme politike pa princip për të dëmtuar tjetrin duke marrë shkas nga kjo çështje, e cila për hir të së vërtetës në opinionin publik ka ndjeshmëri të lartë”, tha ai.

Ndiqni intervistën e plotë:

Lexoni gjithashtu: 

Gjykata Speciale, Abazi: Vetëvendosje mbështeti Thaçin kur donte ta mbyllte, tani shohim makabritetet gjyqësore 

Gjyqi ndaj ish-udhëheqjes së UÇK-së, Boiken Abazi: Padrejtësi ndaj Kosovës dhe kombit shqiptar

Ish-krerët e UÇK-së në Hagë, gazetari Franko Egro: Gjykimi vetëm për shqiptarët ngre pikëpyetje të mëdha