Japoni, pamjet e objektit të panjohur fluturues bëhen virale në rrjete sociale

Pamjet e një objekti fluturues të panjohur u bënë shumë shpejt virale nëpër rrjetet shoqërore të Japonisë.

Një objekt i bardhë, në formë balone, është parë shumë lart në qiell, duke qëndruar pa lëvizur për një kohë të gjatë.

Komentuesit në rrjete sociale nisën të spekulojnë menjëherë, duke e lidhur herë me jashtëtokësorët, herë me coronavirusin.

Debati u përhap aq shumë sa kaloi në vend të tretë në Twitter, duke i detyruar autoritetet të nisin hetime.

Ideja e parë ishte se mund të bëhet fjalë për një balon për parashikimin e motit, por zyrtarët japonezë thanë që edhe pse dukej si një pajisje e tillë, nuk ishte lëshuar prej tyre.

Policia ka thënë se ka nisur hetimet, por deri tani thuhet se nuk dihet absolutisht asgjë.