Java e 15-të e Premier League, Arsenal ‘kampion’ i dimrit

Arsenali është konfirmuar si kampion i dimrit, ku ka arritur të fitojë dhe në javën e 15-të të Premier Ligës angleze. Topçinjtë ndiqen nga Manchester City i Pep Guardiolës, ndërkohë në vendin e tretë është surpriza Newcastle. Të besuarit e Pep Guardiolës mposhtën Lidsin të mërkurën me rezultatin 3-1, ndërsa vendimtar ishte norvegjezi Haaland.

Shumë larg kreut të tabelës, por edhe skuadra e Chelseas mori një fitore morale ndaj Bournemouthit me rezultatin 2-0 me golat e Havertz dhe Mount. Aktualisht blutë gjenden në vendin e 8-të në tabelën e klasifikimit me 24 pikë të grumbulluara. Manchester United ka shënuar fitoren e dytë radhazi në kampionat duke u ngjitur në vendin e pestë në kuotën e 29 pikëve.

Kryesuesit e Premier Leagues triumfuan në derbin e Londrës me rezultatin 3-1 ndaj West Hamit. Sa i përket golashënuesve, listën e udhëheq sulmuesi i sitizens Erling Haaland me 20 gola dhe 3 asiste, teksa pas tij vijnë Kein dhe Tonei.

Elita e futbollit anglez do të vijojë dhe përgjatë natës së ndërrimit të viteve aty ku nuk do të mungojnë përballjet interesante.

LEXONI GJITHASHTU:

• Arsenali ndalet nga Southampton, Dortmundi triumfon me goleadë ndaj Stuttgart
• Lewandowski: Dua të luaj me Messin para se të dal në ‘pension’