Lewandowski: Dua të luaj me Messin para se të dal në ‘pension’

Robert Lewandowski nuk e ndërroi Bajernin e Mynihut për Barcelonën vetëm për kapriço.

Pasi fitoi pothuajse gjithçka në Mynih, ai pranoi sfidën e vështirë për të udhëhequr një ekip në rindërtim të plotë.

Lewa ka dhënë një intervistë për gazetën “Mundo Deportivo” dhe për katalanasen tjetër “Sport”, ku ka rrëfyer gjithçka, mes të cilave dhe dëshirën e madhe për të luajtur një ditë në një skuadër me Lionel Messin.

“Nuk varet nga unë. Natyrisht, shohim që tani ai luan më shumë si organizator, ndoshta shënon më pak gola dhe u jep më shumë pasime shokëve të skuadrës, edhe pse vazhdon të shënojë rregullisht. Por krahasuar me herët e tjera, tashmë ai është futbollisti që çdo sulmues do të ëndërronte të luante përkrah”, theksoi ai.

LEXONI GJITHASHTU

• Shpërblim për sezonin e kryer, Real Madrid jep 1.3 milionë euro për secilin lojtar
• Messi arrin marrëveshje me PSG-në për rinovimin e kontratës
• Real Madrid nis merkaton, ‘galaktikët’ me sytë drejt kampionatit Italian