Real Madrid nis merkaton, ‘galaktikët’ me sytë drejt kampionatit Italian

Manuel Lokateli është synimi kryesor i Realit të Madridit në merkaton e Janarit. Los Blankos kanë nisur kontaktet me mesfushorin bardhezi që aktualisht po bën mirë tek skuadra torineze.

Ançeloti i ka bërë të qartë drejtuesve të klubit se mesfusha ka nevojë për ndërhyrje dhe 24-vjeçari është emri i duhur. Me Kroos dhe Modric në mbështetje, italiani ka shancin e artë për të mësuar prej tyre dhe më pas të marrë në dorë mesfushën.

Në anën tjetër për të përforcuar skuadrën është diskutuar dhe emri i Xhyd Belingam, i cili kërkon largimin nga Dortmundi. Manchester City, Liverpool dhe Manchester United janë në garë për shërbimet e tij, ndaj Reali nuk do ta ketë të lehtë.

Gjermanët kërkojnë 90 milionë euro nga skuadra që tenton transferimin e 19-vjeçarit dhe madrilenët mund ta përballojnë diçka të tillë.

Emri më i përfolur për të mbërritur në Santiago Bernabeu është ai i Mbape, por francezi i tha jo ofertës së parë.