Messi arrin marrëveshje me PSG-në për rinovimin e kontratës

Kapiteni i Argjentinës, Lionel Messi ka arritur marrëveshje në parim për të rinovuar kontratën e tij te Paris Saint-Germain, sipas gazetari të sportit, Guillem Balague.

Messi, 35 vjeçar, i cili e udhëhoqi Argjentinën drejt triumfit në Kupën e Botës në Katar, do t’i skadojë kontrata me kampionin francez bë qershor të vitit 2023, shkruan BBC.

Gjatë kësaj jave, presidenti i Barcelonës, Joan Laporta tha se ai do të dëshironte që Messi të rikthehet te gjiganti katalunas, me të cilin kishte kaluar plot 21 vite.

Por, sipas Balague, Barça nuk ka kontaktuar me Messin për një rikthim të mundshëm në “Camp Nou”.

Ai pritet të nëshkruajë një kontratë një vjeçare me opsionin për ta rinovuar edhe për një vit, dhe marrëveshja është arritur pas katër muajsh bisedime mes drejtorit sportiv të PSG-së, Luis Campos dhe babait të Messit, Jorge.

Këto bisedime u vazhduan me një takim në Doha me presidentin e PSG-së, Nasser Al-Khelaifi.

LEXONI GJITHASHTU

• Milani dhe Juventusi në garë për mesfushorin e Bajernit të Mynihut
• Luis Suarez drejt transferimit te klubi brazilian
• Matuidi tërhiqet nga futbolli, u shpall kampion bote në vitin 2018