Java e Kulturës Greke në Gjirokastër, qyteti i gurtë nën tingujt e muzikës korale

Java e Kulturës Greke prezantoi në skenën artistike të qytetit të Gjirokastrës korin e mirënjohur të qytetit të Trikalas.

I krijuar në vitin 1970 ky kor është një nga më të spikaturit në skenat muzikore të Greqisë dhe më gjerë. Repertori i koncertit në Gjirokastër përfshiu kompozime të artistëve grekë klasikë dhe bashkëkohorë, ndërsa interpretimi i korit u shoqërua me duartrokitje nga artdashësit

Pjesëtarët e korit të Trikalas, të cilët vinin për herë të parë në Shqipëri vlerësuan pritjen e ngrohtë të publikut

“Është hera e parë për ne që ndodhemi këtu në Gjirokastër, jemi shumë të kënaqur, më pëlqeu shumë qyteti, godinat karakteristike  gjithashtu edhe njerëzit na mikpritën me zemër të ngrohtë, mikpritje që spikati me praninë e tyre edhe në koncertin shfaqëm”, tha Eleni Ziakas, drejtuese artistike.

“Më pëlqeu shumë atmosfera këtu, koncerti ynë u prit mjaft mirë dhe spektatori ishte i ngrohtë. Shpresojmë që kur të vijnë tek ne artistët nga Gjirokastra ta rikthejmë këtë mikpritje kaq të mirë”, u shpreh një nga këngëtaret.

Në kuadër të Javës Kulturore Greke, kori i Trikalas shfaqi një koncert edhe në Qendrën Kulturore të Derviçanit, Dropull për artdashësit e minoritetit grek.

LEXONI GJITHASHTU:

• Turizmi nxit punësimin e të rinjve në Gjirokastër
• Plagosi me thikë dy persona, arrestohet 45-vjeçari në Gjirokastër