Ja cili ia kaloi rivalit kryesor të Elon Musk dhe themeluesit të Amazon, Jeff Bezos në garën për vendin e dytë të njerëzve më të pasur në botë.
60-vjeçari Gautam Adani, është biznesmeni i parë aziatik që renditet në tre vendet e para të indeksit global të pasurisë, i cili zakonisht dominohet nga sipërmarrësit e teknologjisë amerikane.
Miliarderi indian Gautam Adani është tani personi i dytë më i pasur në botë, duke rrëzuar nga froni themeluesin e Amazon, Jeff Bezos, i cili u zëvendësua sërish vitin e shkuar si njeriu më i pasur në botë, nga themeluesi i Tesla-s, Elon Musk.
Kryetari 60-vjeçar indian i Grupit Adani, i cili përfshin biznese në prodhimin e qymyrit, infrastrukturën dhe prodhimin e energjisë termike, ka një vlerë neto në kohë reale prej $155.5 miliardë dollarësh, sipas listës së miliarderëve të Forbes.
Në të njëjtën kohë, kompania e biznesmenit indian u ngjit me një shpejtësi marramendëse këtë vit, pasi e filloi vitin 2022 në vendin e 14-të në Indeksin e Miliarderëve të Bloomberg.
Hendeku tani midis zotit Adani dhe personit më të pasur në planet, Musk, qëndron në më shumë se $100 miliardë dollarë, pasi themeluesi i Tesla dhe titani i teknologjisë thuhet se ka një vlerë neto prej $260 miliardë dollarësh, raportoi Bloomberg.
Ngjitja e zotit Adani në krye të renditjes botërore filloi në shkurt të këtij viti, kur ai u raportua të ishte personi më i pasur në Azi, duke marrë titullin e mbajtur më parë nga Mukesh Ambani.
LEXONI GJITHASHTU:
- Kush janë njerëzit prapa kompanive të fshehta që po kërkojnë ‘përjetësinë’?
- Elon Musk, tashmë njeriu më i pasur në botë, thumbon rivalin e tij Jeff Bezos
- 5 markat më të kërkuara në Shqipëri dhe botë në vitin 2022
