“Jemi thellësisht të pikëlluar”, Ambasada Amerikane: Kadare frymëzoi mbarë botën

Shkrimtari Ismail Kadare u nda nga jeta mëngjesin e kësaj të hëne (1 korrik 2024), pasi pësoi një arrest kardio-respirator. Ai ishte 88-vjeç. Mesazhe ngushëllimi e përkujtimi kanë dhënë për familjen e shkrimtarit shumë personazhe politik, e të kulturës e gjithashtu nuk ka munguar as reagimi i Ambasadës Amerikane.

“Thellësisht të pikëlluar”, shkruhet në postimin e Ambasadës në X, ndërsa më tej në shkrim thuhet se puna e Kadarësë ka krijuar ura midis Shqipërisë dhe  botës.

“Jemi thellësisht të pikëlluar për ndarjen nga jeta të Ismail Kadaresë, letërsia e të cilit frymëzon lexuesit në mbarë botën. Kujtojmë me dashamirësi që Ambasada e SHBA-së nderoi Kadarenë me Çmimin Ndërkombëtar Neustadt për Letërsinë 2020. Puna e tij ka krijuar ura midis Shqipërisë dhe botës dhe trashëgimia e tij do të jetojë si një dëshmi e gjeniut të tij letrar. Mendimet tona janë me familjen e tij, me të dashurit e tij dhe me popullin shqiptar”,-thuhet në shkrimin e ambasadës.

We are deeply saddened by the passing of Ismail Kadare, whose literature inspires readers around the world. We fondly remember the U.S. Embassy honoring Kadare with the 2020 Neustadt International Prize for Literature. His work has created bridges between Albania and the world,… pic.twitter.com/V9adQCZKQn

— USEmbassyTirana (@USEmbassyTirana) July 1, 2024

LEXONI GJITHASHTU:

• Ndarja nga jeta e Kadaresë| Presidenti Begaj: Shqiptarët humbën gjeniun e tyre
• Ndahet nga jeta në moshën 88-vjeçare shkrimtari Ismail Kadare