Jeta e anëtarit të ‘The Beatles’, Ringo Starr, në një libër me ilustrime

Një libër me ilustrime do të paraqesë jetën e Ringo Starr, anëtarit të grupit të famshëm The Beatles.

Jeta e ish-bateristit të The Beatles, Ringo Starr do të tregohet përmes një libri të ri me ilustrime.

TidalWave do të publikojë revistën më 12 janar.

Libri me 22 faqe do të tregojë sesi Starr tejkaloi sëmundje të rënda gjatë fëmijërisë së tij dhe si u bë një nga bateristët më të mirë të të gjitha kohërave me The Beatles.

Kopjet e tij do të shiten në të dyja formatet: e printuar dhe digjital.

Publikimi do të jetë pjesë e serisë “Orbit” të TidalWave që lartëson figura publike, të cilat kanë pasur ndikim apo kanë sjellë ndryshime në botë.

Seria është paraqitur edhe në revistat “Rolling Stone”, “Time” dhe “People” dhe ka pasur si protagonistë artistë të njohur si John Lennon, George Harrison, Paul McCartney, Alice Cooper, Ozzy Osbourne dhe të tjerë.