Joe Biden: Izraeli ka për detyrë t’i përgjigjet Hamasit

Presidenti i SHBA-së, Joe Biden ka thënë se Izraeli ka të drejtën dhe detyrën për t’iu përgjigjur sulmeve të Hamasit, të cilat ai i cilësoi si një “akt i së keqes”.

Ai deklaroi se SHBA do të “qëndronte me Izraelin” dhe do të ofronte çfarëdo ndihme që i nevojitej.

Biden tha se të paktën 14 amerikanë ishin vrarë në sulme dhe shtetas të tjerë amerikanë ishin marrë peng.

Në një konferencë të mëvonshme të martën, një zëdhënës i sigurisë kombëtare tha se të paktën 20 amerikanë ishin të zhdukur.

Nuk është e qartë se sa prej tyre janë zënë rob nga Hamasi, tha Këshilltari i Sigurisë Kombëtare, Jake Sullivan.

Militantët e grupit, i cili është cilësuar si një organizatë terroriste nga SHBA-ja, thyen gardhin kufitar në Rripin e Gazës në disa vende të shtunën dhe nisën sulmin më serioz ndërkufitar me të cilin është përballur Izraeli, me rreth 1200 njerëz të vrarë që nga e shtuna.

LEXONI GJITHASHTU:

• Luftimet në Rripin e Gazës/ Flet presidenti Biden: Ne qëndrojmë me Izraelin
• Presidenti Biden intervistohet rreth dokumenteve të klasifikuara