Jonila Godole: PS-ja në këtë fushatë ka risjellë premtimet e vjetra

Drejtorja i Institutit për Demokraci, Media dhe Kulturë Jonila Godole duke komentuar gjetjet e sondazhit të MRB të prezantuar në Euronews Albania, tha se ngushtimi i diferencave mes Bashës dhe Ramës, vjen pasi PS-ja në këtë fushatë ka sjellë premtimet e vjetra

“Paraqitja e opozitës më mirë nga se edhe qeveria përpiqet ta paraqesë. Kryeministri sa më shumë përpiqet të flasë kandër, dhe që të tregojë… dhe ai stili i tij për të treguar se ajo e ka fajin, kjo nuk ka funksionuar, bilez është e kundërta. Propaganda nuk pi më ujë. PS mënyra se si është paraqitur në këtë fushatë, vetëm ka risjellë premtimet e vjetra, nuk ka pasur asnjë gjë të re, dhe ajo që më duket absurde, vetë kryeministri Rama qëndron stabil.”, tha ajo.

Pedagogu dhe njohësi i mirë i çështjeve zgjedhore, Blendi Çeka thotë se luhatja e mbështetjes për kryeministrin Rama nuk ka lidhje vetëm me të, por edhe me Partinë Socialiste.

“15 ditë fushatë ka dhënë efektet e veta. Kjo distancë….ky është raporti për të gjithë grupimin opozitar të rreshtuar kundër qeverisë dhe PS në anën tjetër. Pavarësisht faktit se nuk janë në koalicion PD dhe LSI, kur vjen puna ajo reflektohet se në parim janë bashkë”,  tha Blendi Çeka.

Lexoni gjithashtu: 

Karrigia e kryeministrit, Rama dhe Basha në garë të ngushtë – Zbulon sondazhi i Barometrit Politik