Balina Bodinaku: Militantët nuk zhgënjehen kurrë nga një lider autoritar pasi kanë një raport idealizimi

Edi Rama konsiderohet udhëheqës i fortë, 57% e njerëzve mendojnë kështu, zbuloi Barometri në Euronews Albania.

Për eksperten e komunikimit, Balina Bodinaku, një lider i fortë punon në mënyrë të fshehtë për të krijuar imazhin e një njeriu që është ndryshe nga masa.

Sipas saj, kjo është arsyeja pse militantët nuk zhgënjehen kurrë nga një lider i fortë, sepse fokusohen tek ajo pjesë e udhëheqësit të tyre që ushqen figurën e idealizuar për të.

“Është e zakonshme që të ngatërrohet dija me forcën. Një lider autoritar e ka këtë fuqi. Rama në mënyrën si e menaxhon komunikimin publik është tipiku që kujdeset për të manipuluar perceptimin e masës për nevojat që ata kanë në mënyrë që në fund të ofrojë atë që mundet dhe atë që do”, tha znj. Bodinaku.