Juventus fiton në Shën Pjetërburg, Bayerni dhe Chelsea të pamëshirshëm

U luajtën mbrëmë ndeshjet e treta të fazës së grupeve në Ligën e Kampionëve.

Juventusi arriti të marrë një fitore të rendësishme në fushën e Zenitit, falë një goli me kokë në minutën e 86 nga Kulusevski. Juventusi grumbullon kështu pikë të plota në këto tre ndeshje të para, duke udhëhequr e sigurt grupin.

Ndërkohë, Bayerni dhe Chelsea nuk kanë treguar aspak mëshirë ndaj rivalëve të tyre, teksa që të dy kanë fituar bindshëm me rezultatin 4-0.

Bavarezët kanë triumfuar në transfertën kundër Benfikës, ndërsa blutë e Londrës kanë mposhtur në shtëpi Malmon.

Në “Old Trafford”,  Manchester United përmbysi Atalantan 3-2,  pasi e pa veten në disavantazh të dyfishtë në 45 minutat e para.

“Djajtë e Kuq”u kundërpërgjigjën në pjesën e dytë me tre gola të shënuar nga Rashford, Maguire dhe Ronaldo në fund.

Edhe Barcelona ka arritur të marrë fitoren e parë në fazën me grupe të Champions League 2021/22.

Katalanasit kanë mundur 1-0 në shtëpi Dinamon e Kievit në javën e tretë të Grupit E.

Goli që ka vendosur ndeshjen është realizuar në minutën e 36-të nga Gerard Pique.

LEXONI GJITHASHTU:

• Nis gjyqi ndaj Benzema, futbollisti rrezikon 5 vite burg për akuzën e shantazhit
• Milani zhgënjen në Champions, Liverpool mposht Atleticon