Juventusi bie përballë Benfikës në Champions League, City mposht Dortmundin

23 gola prodhoi e mërkura në Uefa Champions League ku nuk munguan as surprizat. Juventusi u mposht në shtëpi nga Benfika, ndërkohë e vetmja përballje me rrjeta të paprekura ishte ajo mes Kopenhagenit dhe Sevijas.

Manchester City ka marrë dhe fitoren e dytë duke mposhtur me rezultatin 2-1 Dortmundin. Haland ishte autori i njërit prej golave, ndërkohë që Stones solli barazimin e përkohshëm, pas golit të Belingam për miqtë që zhbllokoi sfidën.

Milani i Piolit mposhti Dinamon e Zagrebit në San Siro, ku golat u shënuan nga Giroud, Selemakers dhe Pobega, për miqtë Orsiç. Italianët renditen në vendin e parë me 4 pikë. Pa Benzemanë dhe me Ancelottin në krye, të zotët e kompeticionit, Reali morën fitoren e radhës ndaj Leipzigut, ndërkohë Shaktari nuk shkoi më shumë se një barazim ndaj Celtic.

Surpriza e mbrëmjes ishte Benfica, e cila mposhti Juventusin në Torino duke dominuar 90 minutat. Skuadra e Alegrit shënoi e para me Milik, teksa Mario dhe Neres I dhanë fitoren skuadrës nga Lisbona. Në krye të grupit H qëndron PSG, e cila ka regjistruar 6 pikë pas fitores në Izrael.

Napoli po ashtu mposhti Rangersin në Skoci, ndërsa 3 ndeshje të tjera u ndanë në barazim. E vetmja me rrjeta të paprekura ishte ajo mes Kopenhagenit dhe Sevillas, ndëra e mërkura prodhoi në total 23 gola.

LEXONI GJITHASHTU

• Miqësore me Arabinë Saudite, kombëtarja shqiptare do ndeshet më 26 tetor në Abu Dabi
• Lojtari 1 miliard €, Barcelona ‘blindon’ 18-vjeçarin Pablo Paez Gavira
• Cristiano Ronaldo refuzoi ofertën marramëndëse për të luajtur në Arabinë Saudite