“Ka më shumë gardistë se deputetë”- Përplasje në parlament, Dogjani publikon videon

Seanca plenare e kësaj të hëne ku do diskutohet projektbuxheti për vitin 2024 ka nisur me përplasje mes deputetëve të Partisë Demokratike dhe Gardës së Republikës.

Garda ka shtuar numrin e efektivëve në ambientet e Kuvendit për të siguruar mbarëvajtjen e seancës plenare.

Ka qenë deputeti I PD Asllan Dogjani i cili përmes një video-live nga brenda ambienteve të Kuvendit tregoi dhe situatën aty, në prag të nisjes së seancës plenare.

Dogjani tha se në ambientet e parlamentit ka më shumë gardistë se sa deputetë dhe shtoi se ata ndalohen të shkojnë në ambientet e tualeteve dhe kafes.

“Këta janë me urdhër. Urdhëroni çfarë bëjnë me deputetët e opozitës. Shikoni, na ndalojnë të shkojmë dhe në tualet, për të shkuar te kafja.

Pse e bllokoni rrugën këtu o zotërinj. Shikoni çfarë bëhet me parlamentin më shumë gardist se deputetë. Shiheni, çfarë ndodh me parlamentin shqiptar”, thotë në video deputeti i PD.

LEXONI GJITHASHTU:

• Flakë në parlament, maxhoranca miraton me shpejtësi projektbuxhetin. Mbyllet seanca
• “Shikoni frikacakun”, Berisha batuta me gazetarët ndërsa kalon eskorta e Ramës