Kafshët “pushtojnë” ndërtesat e Londrës, Banksy surprizon me një tjetër murale

Banksy ka postuar një tjetër vepër arti në Londër, duke shënuar pjesën e tretë të një koleksioni të ri me temë kafshësh, këtë herë me majmunë. Ky është kompozimi i tretë për të cilën artisti i rrugës me bazë në Bristol ka marrë meritën që nga e hëna.

Këtë të mërkurë, ai postoi një imazh në Instagram të majmunëve që duken sikur po lëkunden në urën e një stacioni të metrosë në lindje të Londrës. Me anë të postimit në instagram Banksy ka marrë përsipër autorësinë e shumë veprave të tjera murale.

James Peak, i cili prezantoi “The Banksy Story” të BBC-së, tha se “mund të jenë ditët e para të fillimit të një fushate më të gjerë”.

Kujtojmë se vetëm këtë javë artisti misterioz i njohur si Banksy, ka postuar edhe dy vepra të tjera, dy elefantë që përpiqen të bashkojnë feçkat ndërsa duket sikur dalin nga dy dritaret e një ndërtese dhe një dhi që qëndron në majë të një ndërtese ku shkëmbinjë rrukullisen teposhtë ndërsa një kamerë e ka në fokus.

Veprat e fundit të të mistershmit Banksy janë të gjitha të postuara pa shkrime përshkruese.

LEXONI GJITHASHTU:

• Aktori britanik Ian McKellen u shtrua në spital pasi ra nga skena në Londër
• Murali i ri në Londër besohet se është i Banksyt