Kallas për Ngushticën e Hormuzit: BE kërkon zgjidhje diplomatike, askush nuk do të rrezikojë popullin e vet

Shefja e politikës së jashtme të Bashkimit Evropian, Kaja Kallas, tha të martën se duhet të gjenden një rrugë diplomatike për të mbajtur të hapur Ngushticën e Hormuzit, ndërsa Presidenti i SHBA-së, Donald Trump, u bën thirrje aleatëve të dërgojnë anije luftarake atje për të siguruar tranzitin mes luftës në Iran.

Kallas ka shprehur skepticizëm në lidhje me dërgimin e anijeve luftarake për të siguruar Ngushticën e Hormuzit, duke thënë se askush nuk është i gatshëm t’i vërë njerëzit e vet në rrezik.

“Askush nuk është i gatshëm t’i vërë njerëzit e vet në rrezik në Ngushticën e Hormuzit. Duhet të gjejmë mënyra diplomatike për ta mbajtur këtë të hapur në mënyrë që të mos kemi një krizë ushqimore, krizë të plehrave kimike, krizë energjie gjithashtu”, tha Kallas në një intervistë.