Kamionçina merr përpara disa makina në Miçigan, 4 të vdekur dhe 17 të plagosur

Të paktën katër persona kanë humbur jetën ndërsa 17 të tjerë mbetën të plagosur nga një aksident zinxhir i ndodhur në autostradën 96 në shtetin amerikan të Miçiganit.

Përplasja ndodhi në afërsi të qytetit Weberville kur një kamionçinë u përplas me një kolonë me një duzinë automjetesh në Miçiganin juglindor, raportoi AP.

Automjetet kishin ndaluar në kolonë për shkak të ndërprerjes së përkohshme të qarkullimit për shkak të punimeve në linjat e transmetimit të energjisë elektrike.

sipas njoftimit të policisë, shoferi i kamionçinës duket se nuk i ka vënë re në kohë makinat e ndaluara dhe e ka pasur të pamundur të frenojë më pas.

Pas përplasjes të gjitha automjetet kanë marrë flakë dhe katër persona kanë humbur jetën, ndërsa 17 të lënduar janë transportuar në spitalet e afërta.

LEXONI GJITHASHTU:

• Spanja post-katastrofës, ekipe vullnetarësh ndihmojnë në pastrimin e qyteteve
• Incidenti në Mitrovicën e Veriut, reagime pas parullave të ngjitura nga serbët