Kanadaja do të rihapë ambasadën e saj në Kiev

Kryeministri i Kanadasë Justin Trudeau u shpreh gjatë konferencës me presidentin ukrainas Volodimi Zelenski këtë të dielë, se vendi i tij do të rihapë ambasadën në Kiev.

Trudeau tha se do të jepet më shumë ndihmë ushtarake për Ukrainën, duke përfshirë kamerat e dronëve, imazhet satelitore, armët e vogla dhe municionet.

Ai shtoi se Kanadaja do të heqë tarifat tregtare për të gjitha importet ukrainase që vijnë në Kanada për vitin e ardhshëm.

“Është e qartë se Vladmir Putin është përgjegjës për krimet e tmerrshme të luftës dhe duhet të ketë përgjegjësi”, tha Trudeau.

LEXONI GJITHASHTU

• Udhëheqësit e G7-ës zotohen të çojnë Putinin para drejtësisë
• CIA mohon provat se Rusia po shqyrton përdorimin e armëve bërthamore