Kandidati shqiptar për deputet në Kuvendin e Serbisë, Shaip Kamberi, kërkon që zgjedhjet në Luginë të Preshevës përsëriten pasi procesi nuk ishte i lirë e demokratik.

Kamberi edhe pse ka marrë mbi 9600 vota, u shpreh se nuk janë garanci se mund të fitojë mandatin e deputetit.

Për Kamberin, zgjedhjet e fundit në Serbi u karakterizuan me pjesëmarrje të ulët të votuesve shqiptarë dhe kjo sipas tij ndodhi për shkak të pasivizimit të adresave të shqiptarëve.

“Pasivizimi i vendbanimeve të shqiptarëve që rezultoi me shlyerjen e tyre nga listat zgjedhore deligjitimoi procesin zgjedhor, sidomos në Luginën e Preshevës. Shumë shqiptarëve i është pamundësuar e drejta elementare. E drejta për të votuar”, tha Kamberi.

Ai ka falënderuar të gjithë qytetarët për kulturën e lartë politike që kanë shpërfaqur gjatë këtyre zgjedhjeve.

Në legjislacionin e fundit, Shaip Kamberi ishte i vetmi deputet shqiptar në parlamentin serb.

Ndonëse Shqipëria dhe Serbia janë pjesë e ‘Open Balkan’, përfaqësues të shqiptarëve në Lugina e Preshevës vazhdimisht kanë folur për politika diskriminuese ndaj tyre nga Beogradi.

Një prej masave që është kundërshtuar më shumë është ajo e fshirjes nga regjistrat e vendbanimit të shqiptarëve duke u mohuar kështu edhe të drejtën e votës.