Kandimi në zgjedhje, Meta: Ligji për ish-spiunët duhet të ishte bërë më parë

Ekspertja zgjedhore Gerta Meta, në një intervistë për “Euronews Albania” është shprehur se ligji për bashkëpunëtorët e sigurimit të shtetit duhet të ishte bërë më parë e jo tani.

“Dekomunistizimi dhe pastërtia e figurave të njerëzve që duan të bëjnë karrierë politike dhe të marrin përgjegjësi për të përfaqësuar pushtetin e qytetarëve shqiptarë, duhet të kishte qenë një prioritet parësor të të gjithë spektrit të politikës, qoftë majtas apo djathtas. Ka një konfuzion se çfarë po ndodh dhe se si do të jetë filtri për të pastruar politikën shqiptare.”- tha ajo.

Ajo theksoi se shteti shqiptar ka disa institucione që janë krijuar për të bërë filtrimin e dosjeve për të nxjerrë se kush janë bashkëpunëtorët e ish-sigurimit dhe natyrisht këto emra sipas saj duhet të dërgoheshin te KQZ, në mënyrë që të mos ishin në listat zgjedhore.

“Këto parti politike duhet ta ndajnë përfundimisht se kush do ta bëjë këtë filtrim. Nuk mund të fusësh tre institucione njëkohësisht dhe ti nuk e di se kujt t’i besoj qytetari dhe kujt ti referohet.”- u shpreh ndër të tjera Meta.

LEXONI GJITHASHTU

• Kush do t’i futet politikës të hapë dosjen, thotë Shehi
• ‘Protesta dhe nisma’, paralajmërimi i Shehit: Vjeshtë e ashpër politikisht