“Kanë gjak në duar”, Kampioni i shahut kritikon Putinin dhe Perëndimin për Navalnyn

Ish-kampioni i famshëm botëror i shahut dhe kritiku i ashpër i Kremlinit, Garry Kasparov, ka postuar një seri postimesh në platformën X për vdekjen e Alexei Navalny.

“Putini është vrasësi i Navalny-t”, thotë ai. Megjithatë ai ka kritikuar edhe qeveritë perëndimore për mosmbajtjen e një qëndrimi më të fortë kundër trajtimit të Navalnyt nga Kremlini.

“Zemërimi dhe përbuzja ime e përjetshme ndaj politikanëve perëndimorë që e trajtuan helmimin dhe burgosjen e Navalny-t si vetëm një pikë tjetër negocimi me Putinin”, thotë ai, duke iu referuar burgosjes së tij të përsëritur dhe helmimit të tij me Novichok në vitin 2020 .

“Fjalë të mëdha, pa veprim, më shumë gjak në duart e tyre”.

Kasparov e quan Navalny një luftëtar dhe shton se politikanët perëndimorë “S’duhet ta përmendin emrin e tij” nëse nuk janë të gatshëm të luftojnë si ai.

LEXONI GJITHASHTU:

• “Nuk dua asnjë ngushëllim”, nëna e Navalnyt: Ishte i shëndetshëm 4 ditë më parë
• Vdekja e Navalnyt, SHBA: Po punojmë ta konfirmojmë, shenjë e brutalitetit të Putinit