Kaos në një market në Mitrovicë pas hyrjes së një gjarpri, 2 gra shtrohen në spital

Një ngjarje e pazakonshme ndodhi të enjten pasdite në një supermarket në Shupkovc të Mitrovicës. Një gjarpër hyri në ambientet e marketit duke krijuar një situatë frike dhe kaosi pasi punëtor i sigurimit, për të larguar zvarranikun hodhi një spraj paralizues që ka sjellë shqetësime shëndetësore për 2 gra.

Rastin për KosovaPress e ka konfirmuar zëdhënësi i Policisë për rajonin e Mitrovicës, Avni Zahiti, cili bëri të ditur se rasti është iniciuar për veprat “mbajtje në pronësi, kontroll ose posedim të paautorizuar të armës” dhe “shkaktim i rrezikut të përgjithshëm”.

Sipas policisë, i dyshuari kishte përdorur sprajin paralizues brenda marketit, pre të cilit punëtoret kanë pësuar pasoja dhe kanë kërkuar trajtim mjekësor.