Grupi Parlamentar i PS ditën e sotme i ka paraqitur një kërkesë kryetares së Kuvendit Lindita Nikolla ku kërkojnë marrjen e masës disiplinore për 5 deputetët e Partisë Demokratike.

Ata kërkojnë që deputetët Sali Berisha, Belind Këlliçi, Flamur Noka, Edmond Spaho dhe Edi Paloka të përjashtohen 10 ditë nga pjesëmarrja në komisione dhe në seancat plenare të Kuvendit.

Gjithashtu kërkojnë mbledhjen e Sekretariatit për Procedura, votimet dhe etikën për vlerësimin dhe marrjen e masës së propozuar prej tyre.

Kërkesa e tyre ka ardhur pasi ditën e djeshme ish-kryeministri Sali Berisha dhe deputetë të tjerë bllokuan foltoren, gjë e cila krijoi dhe tensione në Parlament.

Nikolla dje e përjashtoi Berishën nga seanca ndërsa  kreu i PS-së Taulant Balla në një deklaratë për mediat tha se ndaj çdokujt që shkel rregulloren e Kuvendit duhet të merren masa.

LEXONI GJITHASHTU: 

• Dita e Holokaustit, Rama: Shqipëria ka vendin e nderit në Luftën e II Botërore
• Marrëveshja e Portit të Durrësit, Varhelyi i përgjigjet opozitës