Kapen 195 tonë kokainë, në operacion përfshihen 42 vende

Një sasi rekord prej 195 tonelatash kokainë janë sekuestruar në Kolumbi në kuadër të një operacioni ndërkombëtar.

Të paktën 42 vende morën pjesë në operacionin që ka zgjatur një muaj e gjysmë, ka bërë të ditur Marina Kolumbiane.

Në tërësi 574 persona u arrestuan, bashkë me konfiskimin e 176 tonelatave marijuanë, 113 vaka për transportin e tyre, 6 nëndetëse gjysmë të zhytura dhe 2 avionë.

Kolumbia, prodhuesi më i madh në botë i kokainës, regjistroi një rritje të gjetheve të kokës me rreth 13 për qind në vitin 2022, duke arritur një rekord prej 230 mijë hektarësh.

Gustavo Petro, presidenti i parë i krahut të majtë në historinë e vendit, ka propozuar një ndryshim të qasjes në luftën kundër drogës, të cilën Kolumbia po e shoqëron me asistencën ekonomike nga Shtetet e Bashkuara, që janë dhe tregu kryesor i konsumit të kokainës amerikano-latine.

Sipas të dhënave të OKB-së, thuajse dy të tretat e gjetheve të kokës rriten në rajonet jugore të vendit, Narino dhe Putumajo, në kufi me Ekuadorin; si dhe në Santanderin Verior, në kufi me Venezuelën.

Thuajse gjysma e plantacioneve ndodhen në rezervat indigjene, rezerva pyjore dhe parqe natyrore, të kontrolluara nga grupe të armatosura, paraushtarake ose kartele të drogës.

LEXONI GJITHASHTU:

• Prokuroria e Tiranës dorëzon dokumentacionin për ekstradimin e Dritan Rexhepit
• Furnizoi Romën me kokainë, shqiptari arratiset nga qendra e rehabilitimit në Itali