Kapen ‘skifterët’ shqiptarë në Spanjë, sekuestrohen 10 mije euro, 6 të arrestuar

6 shqiptarë janë arrestuar në Spanjë si të dyshuar të përfshirë në një organizatë kriminale.

Mediat e huaja bëjnë me dije arrestimet u kryen në një pronë të vendosur në një zonë të izoluar të qytetit të Comares në Malaga.

Në shtëpinë e të dyshuarve, hetuesit sekuestruan 1 pistoletë, cila rezultoi e simuluese, 10.000 euro cash, mjete për të kryer grabitje, një çantë reagentësh për të kontrolluar nëse një material është prej ari, bizhuteri, një koleksion monedhash dhe pullash, veshje të përfshira në vepra penale, dy automjete, dokumentacion dhe qese me marijuanë.

Për bizhuteritë e gjetura, disa prej tyre tashmë janë njohur nga pronarët e ligjshëm, ndërsa për të tjerat vijojnë hetimet për origjinën e tyre.

Hetimi mbetet i hapur, ndërsa agjentët nuk përjashtojnë mundësinë që të arrestuarit të jenë të përfshirë edhe në ngjarje të tjera të së njëjtës natyrë.

LEXONI GJITHASHTU:

• Drejtori i CIA-s shkon në Katar, bisedime mbi luftën Hamas-Izrael dhe pengjet
• Eksperti i sigurisë: Jo më Serbia, cili është shteti ballkanik që do përdor Rusia