Kapen të armatosur me pistoletë, arrestohen dy persona në Tiranë

Forcat e Posaçme “Shqiponja” finalizuan operacionin policor të koduar “Again”, duke arrestuar në flagrancë një 30-vjeçar të dyshuar për armëmbajtje pa leje, si dhe shokun e tij për moskallëzim krimi.

Silveste Sylaj 30 vjeç, banues në Tiranë, i dënuar më parë për armëmbajtje pa leje dhe vjedhje me dhunë, u kap duke lëvizur me këmbë në rrugën “Ibrahim Rugova” ndërsa mbante në brez një pistoletë me fishek në fole.

Gjatë kontrollit, Policia sekuestruar pistoletën dhe municionin luftarak.

Në operacion u arrestua edhe shtetasi Erjon Tafilaku 35 vjeç, i cili shoqëronte 30-vjeçarin, për veprën penale “moskallëzim krimi”.

Specialistët për Hetimin e Krimeve në Komisariatin Nr. 2 vijojnë hetimet për zbardhjen e plotë të rrethanave dhe për kapjen e personave të tjerë të përfshirë në këtë veprimtari të paligjshme.

LEXONI GJITHASHTU:

• “Komisioni për Integrimin jo në drejtimin e opozitës”, reagon delegacioni i BE
• Dy aksidente rrugore në autostradën Lushnjë–Fier, plagoset një person