Kapet në Urale gazetari i WST, Moska e akuzon për spiunazh

Një gazetar i Wall Street Journal është arrestuar mbi dyshimet për spiunazh në Rusi.

Shërbimi Federal i Sigurisë (FSB) – agjencia ruse për siguri dhe kundërzbulim që e ka pasuar agjencinë KGB të kohës sovjetike – tha të enjten se Evan Gershkovich u arrestua në Yekaterinburg, qytetin e maleve Urale, pasi që dyshohet se po përpiqej të siguronte informacion të klasifikuar.

“Gershkovich është gazetari i parë i një mediumi amerikan që arrestohet me akuza për spiunazh në Rusi që nga Lufta e Ftohtë. Arrestimi i tij vjen mes tensioneve të shtuara midis Moskës dhe Uashingtonit shkaku i luftës në Ukrainë”, shkruan REL.

Shërbimi i sigurisë pretendon se Gershkoviq “po vepronte mbi urdhra amerikane për të mbledhur informacion për aktivitetet e njërës prej ndërmarrjeve të kompleksit industrial ushtarak rus që përbën sekret shtetëror”. FSB-ja nuk ofroi asnjë dëshmi për këto pretendime.

LEXO GJITHASHTU:

• Rusët ‘zbarkojnë’ në Serbi, zbulohet shifra që kanë emigruar
• Dënohen bankierët që ndihmuan shokun e Putinit