Karburantet në hetim, konkurrenca i nxjerr të pastër, nuk kanë vepruar si kartel

Kompanitë e tregtimit të karburanteve nuk e kanë shkelur ligjin e konkurrencës. Në monitorimin që ka bërë Autoriteti i Konkurrencës, për periudhën tetor 2021-shkurt 2022 për 5 ndërmarrjet kryesore, del se rritja e çmimeve në treg është pothuajse e njëjtë me tendencën e rritjes së çmimit të importit të doganës për këtë periudhë.

Sipas Komisionit të Konkurrencës, çmimet mesatare mujore të shitjes me shumicë të naftës kanë qenë të përafërta për të gjitha ndërmarrjet, për shkak të mënyrës së funksionimit të tregut, me burimet e pakta të furnizimit janë të pakta, taksat e njëjta dhe çmimin e njëjtë të zhdoganimit.

Pra, në përfundim të vlerësimit së sjelljes së ndërmarrjeve në tregun e tregtimit me shumicë të karburanteve naftë dhe benzinë nuk konstatohet ekzistenca e një sjelljeje të bashkërenduar midis ndërmarrjeve për tregtimin e karburantit.

Komisioni i Konkurrencës u ka vendosur ndërmarrjeve që operojnë në tregun e tregtimit me shumicë të karburantit naftë dhe benzinë detyrimet e përgjithshme të parashikuara në ligjin për mbrojtjen e konkurrencës.

Hetimi dhe vendimi i përkasin periudhës, kur bordi i karburanteve me pjesëmarrjen e qeverisë brenda tij, nuk ishte ngritur ende.

LEXONI GJITHASHTU:

• Luhatjet në tregje| Nafta ulet, ushqimet jo
• Bordi i Transparencës vendos çmimet e karburanteve, sa do shitet nafta e benzina