Kardinalët takohen në Vatikan për të caktuar datën e varrimit të Papa Françeskut

Kardinalët mblidhen sot për herë të parë për të vendosur se kur trupi i Papa Françeskut do të zhvendoset në Bazilikën e Shën Pjetrit dhe kur do të bëhet funerali.

Sipas kushtetutës apostolike, Universi Dominici Gregis – që do të thotë e gjithë kopeja e Zotit – shërbimi duhet të bëhet “midis ditës së katërt dhe të gjashtë pas vdekjes”, shkruan BBC.

Kjo do ta vendoste datën e funeralit midis të premtes 25 Prill – Ditës së Çlirimit në Itali, një festë kombëtare – dhe të dielës 27 prill.

Disa media italiane po raportojnë se shërbimi ka të ngjarë të planifikohet për të shtunën, ku agjencia kombëtare e lajmeve Ansa ka cituar burime nga Vatikani.

Sot Vatikani ka publikuar fotot e Papa Françeskut në arkivolin e tij të hapur, i veshur me një mantel të kuq me mitra papale në kokë dhe një rruzare në dorë.

Fotot janë bërë në kapelën e Casa Santa Marta, rezidenca e Françeskut në Vatikan.

LEXONI GJITHASHTU:

• Trump: Do të jem në Romë për t’i dhënë lamtumirën Papa Françeskut
• Mjeku i Vatikanit: Papa vdiq nga një goditje në tru