Karim Benzema vazhdon kontratën me Realin deri në vitin 2024 

Lojtari francez i Real Madridit, Karim Benzema, ka vendosur të vazhdojë kontratën me Real Madridin deri në qershor të vitit 2024, raportojnë mediat spanjolle dhe franceze.

35-vjeçari ka kontratë me Realin deri në qershor të këtij viti. Sulmuesi francez ka të drejtë të negociojë me klube të tjera, pasi ka hyrë në gjashtë muajt e fundit të kontratës së tij aktuale.

Ai thuhet se ka marrë një ofertë nga Al Nasr, detajet e së cilës nuk janë bërë të ditura, por ka treguar se nuk dëshiron ta vazhdojë karrierën në Arabinë Saudite.

Benzema është anëtar i Realit që nga viti 2009 dhe për klubin madrilen ka luajtur 621 ndeshje dhe ka shënuar 334 gola, me 160 asistime.

Reali shpreson që Luka Modric së shpejti ta rinovojë zyrtarisht bashkëpunimin edhe për një sezon, ndërsa pyetja e madhe është nëse të njëjtën gjë do ta bëjë edhe Toni Kroos. Gjermani është më afër qëndrimit ndaj vendimit të tij për t’u larguar nga Madridi dhe ndoshta edhe për t’i dhënë fund karrierës së tij.

LEXONI GJITHASHTU:

• Messi dhe Benzema favoritët kryesorë për lojtarin e vitit 2022 nga FIFA 
• Hakmarrja e Benzema, fshin në rrjetet sociale lojtarët e kombëtares