KATAR 2022, Maroku nxjerr “jashtë loje” Portugalinë

Maroku fitoi 1-0 me Portugalinë në çerekfinalen e Kupës së Botës duke nxjerrë jashtë luzitanët e Ronaldos.

Për herë të parë një ekip afrikan merr biletën për në gjysmëfinalet e një Kupe Bote.

Përballja nisi me vrull të madh, me Joao Felix i cili krijoi 2-3 raste goli në pjesën e parë, por pa mundur dot të gjente rrugën e rrjetës. Por, pjesa e parë nuk do të përfundonte me kaq, pasi në minutën e 42’, En Nesyri përfiton nga një gabim i mbrojtjes “luzitane” dhe kalon Marokun në avantazhin 1 me 0.

Pjesa e dytë foli e gjitha për portugezët, me “luzitanët” të cilët kërkuan në çdo moment golin, por portieri Bono ishte në një formë të shkëlqyer, duke e vazhduar serinë e ndeshjeve me rrjetë të paprekur në këtë Botëror.

LEXONNI GJITHASHTU: 

• Nesër balotazhi në PD, zgjidhen kandidatët për gjashtë bashki të vendit
• Çifti shqiptar nga Katari: Si u sulmuam nga tifozët serbë pas ndeshjes Serbi- Zvicër