Kombëtarja shqiptare ka konfirmuar dhe miqësoren e tretë të cilën do të zhvillojë gjatë muajit nëntor. Federata shqiptare e futbollit bën me dije se kundërshtari i radhës për kuqezinjtë është Katari. Përballja mes këtyre dy skuadrave do të zhvillohet në Marbeja të Spanjës më 9 nëntor ora 18:30.
Të dyja federatat kanë gjetur akordin me njëra-tjetrën për të zhvilluar këtë ndeshje, e cila rezulton e treta mes këtyre dy skuadrave. Ballafaqimi i parë daton në 2012 dhe i dyti 4 vite më pas, ku triumfuan kuqezinjtë në të dyja testet.
Sipas asaj çka raportohet, minutazhi do t’u jepet lojtarëve të kategorisë superiore, një panoramë pak a shumë e njëjtë si ndaj Arabisë Saudite. Gjatë muajit nëntor do të zhvillohen dhe dy miqësore të tjera me Italinë dhe Armeninë. Në miqësoren e fundit të zhvilluar ndaj Arabisë Saudite, të besuarit e Edoardo Rejës barazuan 1-1, ndërkohë goli u shënua nga Bekim Balaj.
LEXONI GJITHASHTU:
- Shqipëria miqësore në Spanjë ndaj Katarit para fillimit të Botërorit
- Futbollistët iranianë kërkesë FIFA-s, kërkojnë përjashtimin nga Katar
