Kate Middleton shfaqet për herë të parë në publik pas gjashtë muajsh 

Ditëlindja zyrtare e mbretit britanik Charles III u shënua të shtunën me një paradë në Londër dhe të gjithë sytë ishin te Princesha e Uellsit Kate Middleton, e cila u shfaq në ceremoni pasi njoftoi një ditë më parë se trajtimi i saj pas diagnozës së kancerit “po përparon mirë“, raporton BBC.

Kjo ishte dalja e saj e parë publike këtë vit pasi u diagnostikua me kancer dhe iu nënshtrua një operacioni në janar.

Mbreti Charles gjithashtu është diagnostikuar me kancer, kështu që për shkak të sëmundjes ai nuk mundi të hipë në kalë gjatë paradës, siç e dikton tradita.

Në një mesazh të publikuar një ditë më parë, Kate thoshte se trajtimi është në vazhdim dhe do të vazhdojë për disa muaj, duke theksuar se “ende nuk është shëruar plotësisht”.

Mesazhi u shoqërua me një fotografi të re të princeshës, të realizuar nga Matt Porteous, në kopshtin e shtëpisë Windsor.

“Unë jam mirë, por siç e di kushdo që kalon nëpër kimioterapi, ka ditë të mira dhe ditë të këqija. Në ditët e këqija ndihesh i dobët, i lodhur dhe duhet të pushosh. Por në ditët e mira, kur ndihesh më i fortë, dua të shfrytëzoj sa më shumë atë ndjenjë të mirë”, tha Middleton në një deklaratë me shkrim para daljes së saj të parë publike.

LEXONI GJITHASHTU:

• Më parë kamariere, sot sozi e Kate Middleton, historia e 35-vjeçares nga Anglia
• Kate Middleton izolohet pas kontaktit me të infektuar nga COVID