KE ka filluar vjeljen e gjobave që Gjykata Evropiane e Drejtësisë i ka vënë Polonisë.

Gjoba prej 500 mijë eurosh në ditë lidhet me një përplasje mes Polonisë dhe Republikës Çeke për minierën e qymyrit që ndodhet në anën polake të kufirit mes dy vendeve.

Ato arritën një marrëveshje javën e kaluar, por gjoba mbeti sërish në fuqi. Deri tani, 15 milionë euro do të mbahen nga fondet evropiane.

Varshava zyrtare ka reaguar duke deklaruar se do të përdorë të gjitha mjetet ligjore për ta apeluar vendimin dhe për të mos paguar gjobën.

Qeveria polake ka njoftuar gjithashtu se do të shpërbëjë Dhomën Disiplinore të Drejtësisë, lëvizje që u bë shkas për një tjetër gjobë, në këtë rast 1 milion euro në ditë.