Këlliçi: Uzina e Gramshit në errësirë, punonjësit 1 vit pa paga

Deputeti i Partisë Demokratike, Belind Këlliçi ka reaguar në lidhje me incidentin e ndodhur në uzinën ushtarake në Gramsh, nga dy ushtarë u sulmuan nga dy shtetas rusë dhe një ukrainase.

Përmes një postimi në rrjetet sociale, Këlliçi shprehet se uzina ushtarake në Gramsh është në errësirë pas ndërprerjes së energjisë nga OSHEE, për shkak se nuk janë shlyer detyrimet.

Ai shtoi se punonjësit e uzinës nuk kanë marrë pagat prej një viti.

Incidenti në Uzinën e Gramshit, ka ndodhur rreth orës 17:40 pasi roja ka vënë re lëvizje të dyshimta rreth objektit, pasi një nga shtetasit rusë ka hyrë brenda territorit dhe ka tentuar të bëjë fotografi.

Të dy efektivët kanë zbatuar rregullat ushtarake me qëllim ndalimin e personit, duke i bërë fillimisht thirrje të ndalojë, por ai është kundërpërgjigjur duke përdoruar spray neoparalizues.

Menjëherë pas njoftimit policia ka bërë shoqërimin e shtetasit rus, M. Z., 24 vjeç.  Shërbimet e Policisë  bënë të mundur që në afërsi të kësaj zone të konstatojnë dhe të bllokojnë automjetin tip “Chevrolet”, me të cilin udhëtonin shtetasja ruse S.T. 33 vjeçe dhe shtetasi ukrainas F. A., 25  vjec.

LEXONI GJITHASHTU

• Si u sulmuan ushtarët në Uzinën e Gramshit, dinamika e ngjarjes
• Kush janë dy ushtarët që u sulmuan nga rusët në Gramsh
• Tre rusë sulmojnë ushtarët në uzinën e armëve në Gramsh