Kërcënimet ndaj gjyqtares që dënoi Marine Le Pen, policia i vendos roje të armatosur

Gjykatësja që dënoi Marine Le Pen me burg dhe e ndaloi atë të bëhej presidentja e re franceze është marrë nën mbrojtje nga roje të armatosur të policisë pas ‘kërcënimeve personale të shprehura qartë’.

Mbështetësit e së djathtës ekstreme të politikanes 56-vjeçare besohet se kanë shënjestruar gjyqtaren 63-vjeçare, Benedicte de Perthuis.

Një burim policor i tha Le Parisien se gjyqtarja De Perthuis kishte marrë “një numër të madh mesazhesh që përmbanin kërcënime personale të shprehura qartë”.

Gazeta shtoi: ‘Si rezultat, prania e policisë është shtuar pranë shtëpisë së saj.’

Dy gjyqtarët e tjerë që përbënin jurinë profesionale në Gjykatën Korrektuese të Parisit janë kërcënuar gjithashtu, tha burimi.

Ndërkohë, Le Pen ishte mbrëmë duke darkuar në një dhomë private lart në restorantin Laurent në Paris – skenë e festimeve famëkeqe të 50-vjetorit të Kate Moss disa vjet më parë.

Politikania dhe më shumë se 20 zyrtarë të tjerë partiakë u shpallën fajtorë të hënën për vjedhjen e parave të taksapaguesve në vlerë prej miliona paundësh nga taksapaguesi evropian.

Ata e bënë këtë për të paktën një dekadë, ndërsa ishin deputetë që punonin në Parlamentin Evropian në Bruksel dhe Strasburg.

Në vend që t’i shpenzonin paratë për rolet e tyre evropiane, ata i përdorën ato për të financuar Tubimin Kombëtar (NR) në Paris.

LEXONI GJITHASHTU:

• Le Pen flet për herë të parë pas dënimit nga gjykata: Vendim politik
• Gjykata franceze e dënoi me 4 vite burg, a do mund të kandidojë Le Pen në 2027?
• Marine Le Pen shpallet fajtore për përvetësimin e fondeve të BE