Irani dhe Shtetet e Bashkuara të Amerikës përballen në ndeshjen e tretë të grupit B, ku vetëm njëra prej tyre mund të vijojë rrugëtimin në Botërorin e Katarit. Aktualisht Irani ka 3 pikë, pas fitores së marrë ndaj Uellsit, ndërkohë SHBA-të kanë dy pikë, barazimi me Uellsin dhe së fundmi me Anglinë me shifra të bardha.
Pak orë para kësaj ndeshje të rëndësishme ka shpërthyer një tjetër skandal. Lojtarët e kombëtares së Iranit janë kërcënuar nga autoritetet iraniane, se nëse do të protestojnë apo të bëjnë veprime të tilla, familjarët e tyre do të burgosen.
Jo vetëm kaq, por nga kjo rrezikohen dhe ata vetë apo të afërm të tjerë, ndaj në fushën e lojës nuk duhet të shfaqet asnjë shenjë pakënaqësie prej tyre.
Kujtojmë se në përballjen e parë, lojtarët e kombëtares së Iranit refuzuan të këndojnë himnin, kjo për shkak të situatës në të cilën vendi ndodhet.
Si të mos mjaftonte ky fakt, ndeshja mes Iranit dhe SHBA-ve pritet të jetë tejet e rivalizuar dhe e luftuar prej secilit, për shkak dhe të marrëdhënieve politike mes të dy vendeve. Përballja Iran-Shtetet e Bashkuara të Amerikës luhet mbrëmjen e sotme në orën 20:00.
LEXONI GJITHASHTU: