Mançini: Argjentina favoritja e parë në Botërorin e Katarit

Trajneri i kombëtares italiane të futbollit, Roberto Mancini përsëriti se Italia duhej të kualifikohej në Kupën e Botës në Katar, sipas mediave italiane.

Italia fitoi titullin në Kampionatin Evropian vitin e kaluar, por u mposht nga Maqedonia e Veriut me rezultat 1:0 në gjysmëfinalen e kualifikimeve për Kupën e Botës, shkruan Euronews Serbia.

“Ne nuk jemi në Kupën e Botës dhe duhet ta pranojmë këtë. Vërtet dhemb. Unë mendoj se kushdo që fiton Kampionatin Evropian duhet të marrë pjesë automatikisht në Kupën e Botës. Jo vetëm kampionë të Evropës, por edhe kampionë të të gjitha kontinenteve. Kjo është në interes të futbollit dhe vetë Kupës së Botës”, tha Mançini.

Trajneri i Italisë theksoi se Argjentina është favorit për të fituar Kupën e Botës. Argjentina e nisi Botërorin në Katar me humbjen 2:1 ndaj Arabisë Saudite.

“Argjentina është favorite, jo vetëm sepse ka Lionel Messin. Franca edhe pa Karim Benzema është e fortë, Gjermania dhe Belgjika dhe herët a vonë edhe Anglia do të fitojë diçka”, përfundoi Mançini.

LEXONI GJITHASHTU:

• Argjentina mposhtet nga Arabia Saudite, nuk mjafton goli i Messit
• Anglia ‘shkatërron’ Iranin 6-2 në Katar, Bukayo Saka si Messi