Kërcënohet ministri i Brendshëm në Kosovë, mesazhi që iu dërgua nga organizata serbe

Ministri i Punëve të Brendshme të Kosovës, Xhelal Sveçla, është kërcënuar nga organizata serbe “Severna Brigada”. Kërcënimi ndaj ministrit Sveçla ka ardhur pas njoftimit për zbulimin e një sasie të madhe të armatimit, duke përfshirë armë automatike, fishekë, granata dore e eksploziv në Zveçan.

Organizata “Severna Brigada” e kanë kërcënuar hapur Sveçlën duke i shkruar publikisht në Facebook se “Unë personalisht do të të dënoj (likuidoj), vetëm momenti pritet”.

Ditën e djeshme u zbulua një sasi e madhe armatimi në një shtëpi në Zveçan, duke përfshirë armë automatike, fishekë, granata dore dhe eksploziv. Ministri Sveçla tha se kjo shtëpi është përdorur për grumbullim dhe shpërndarje të armatimit për grupet kriminale serbe.

Sipas tij, për 2 dekada, veriu i Kosovës ka jetuar në ilegalitet, në një rend anormal, ku kanë gjetur strehë organizatat kriminale e kriminelët e financuar nga Beogradi.

LEXONI GJITHASHTU: 

• Svelça publikon videon e dhunimit të shqiptarëve: Shikoni ç’bën milicia fashiste
• Nisin arrestimet në Veri, pranga personit që kërcënoi nënkryetaren e Leposaviçit