Dy bombardues strategjikë rusë kanë fluturuar mbi Detin e Japonisë për më shumë se shtatë orë, bëri me dije Ministria ruse e Mbrojtjes më 21 mars.

Zhvillimi vjen në momentin kur kryeministri japonez, Fumio Kishida nisi këtë të martë një vizitë zyrtare në Ukrainë,

Koha kur bombarduesit fluturuan mbi Detin e Japonisë, ishte pikërisht momenti kur kur kryeministri i Japonisë, ndodhej në ukrainë për të shprehur mbështetjen ndaj Kievit.

Rusia nga ana tjetër i justifikoi fluturimet duke thënë se ato ishin të planifikuara, pasi shoqëruan disa avionë luftarakë.

“Bombarduesit nuk shkelën ligjet ndërkombëtare dhe fluturuan mbi ujërat neutrale”, tha Ministria e Mbrojtjes së Rusisë.

Avionët e llojit Tupolev Tu-95MS janë të aftë të bartin armë bërthamore dhe Moska vazhdimisht i përdor ata për të kryer fluturime në ujërat ndërkombëtare në Arktik, në Atlantikun e Veriut dhe në Paqësor për të treguar forcën e saj.

Në shkurt, forcat e mbrojtjes ajrore të Amerikës së Veriut u dërguan për të penguar disa bombardues strategjikë rusë dhe avionët luftarakë, të cilët po fluturonin mbi hapësirën ajrore afër Alaskës.

LEXONI GJITHASHTU

• “Mirë se erdhe mik i shtrenjtë”, Putin pret Xi në Moskë

• Deputeti rus-Putinit: Të pushtojmë Stambollin, të përfitojmë nga kriza në Turqi