U zhduk në 2007, kërkime të reja në Portugali për rastin Madeleine McCann

Policia portugeze dhe ajo gjermane kanë nisur një kërkim të ri në Portugali, pjesë e hetimeve të vazhdueshme për zhdukjen e Madeleine McCann.

Kërkimi përfshin komunën e Lagosit, pranë Praia da Luz në Algarve, vendi ku vajza 3-vjeçare u zhduk më 3 maj 2007 gjatë pushimeve me familjen.

Policia portugeze konfirmoi se kontrolli po kryhet midis 2 dhe 6 qershorit, me urdhër-arreste të lëshuara nga prokurorët gjermanë.

Specialistët gjermanë mbërritën në zonë përpara rifillimit të kërkimeve, ndërsa autoritetet portugeze kanë mbyllur rrugët për përgatitje.

Hetuesit gjermanë kanë marrë drejtimin e çështjes që kur në vitin 2020 identifikuan 48-vjeçarin Christian Brückner si të dyshuarin kryesor.

Ai është aktualisht në burg në Gjermani për një tjetër krim dhe dyshohet për vrasje në këtë rast, megjithëse nuk ka akuza formale. Brückner mohon çdo lidhje me zhdukjen.

Policia Metropolitane e Londrës tha se është në dijeni të kërkimeve në Portugali dhe se bashkëpunon në hetime.

Kërkimi aktual është i pari pas dy vjetësh dhe përqendrohet në një zonë midis vendpushimit Ocean Club, ku familja McCann po qëndronte, dhe shtëpisë së Brückner.

Në natën e zhdukjes, prindërit e Madeleine ishin për darkë me miqtë, ndërsa fëmijët flinin në apartament.

Zhdukja u zbulua rreth orës 22:00 nga nëna Kate McCann.

Ndërsa autoritetet gjermane vazhdojnë të mbajnë Brückner si kryedëshmitar, prokurorët kanë thënë më parë se nuk ka mundësi për akuza konkrete lidhur me këtë rast.

Dokumentarët dhe hetimet kanë lidhur Brückner me vendin dhe kanë gjetur prova shtesë.

Prindërit e Madeleine shënuan muajin e kaluar 18-vjetorin e zhdukjes, duke theksuar vendosmërinë e tyre për të vazhduar kërkimin.

Operacioni Grange, i policisë Metropolitane, vazhdon hetimet që nga viti 2011.

LEXONI GJITHASHTU:

• VIDEO/ Momenti kur 19-vjeçarja serbe heq rripin e sigurimit dhe bie nga parashuta
• Shqiptarja Mira Murati renditet si ndër 50 gratë më të pushtetshme në botë