Kërkimet në Kanalin Anglez, jo për të mbijetuar, temperaturat e ujit -4°C

Ekipet e shpëtimit në Kanalin Anglez thonë se nuk po kërkojnë më për të mbijetuar duke marrë parasysh temperaturën e ujit që shkon në -4°C.

Të paktën tre persona kanë humbur jetën, pasi një varkë me emigrantë u përmbys teksa ishte duke lundruar në Kanalin Anglez. Numri i viktimave pritet të rritet, raporton Sky News.

Të përfshirë kanë qenë 30 deri në 50 persona. Varka u përmbys dhe njerëzit mbetën në ujë. 43 prej tyre u shpëtuan.

Ndërsa temperaturat kishin rënë mbrëmë, moti ishte i qetë – duke e bërë atë një “dritare mundësie” për emigrantët që të bëjnë kalimin.

Pak më shumë se një vit më parë, fatkeqësia më e rëndë e emigrantëve në Kanal mori jetën e 31 personave.  Një gomone e mbushur me 34 persona u mbyt ndërsa po udhëtonte nga Franca në Mbretërinë e Bashkuar më 24 nëntor 2021.

Fatkeqësia shkaktoi zhurmë politike, pasi disa akuzuan qeverinë për dështimin për të siguruar rrugë të sigurta për emigrantët.

Sipas të dhënave të analizuara nga Sky News, që nga mesnata e natës së kaluar, 44,711 njerëz kishin kaluar Kanalin me varka të vogla në vitin 2022.

Këtu përfshihen 1087 varka, me një mesatare prej 41 personash për anije.

Në vitin 2021, kishte 28,526 të ardhur.

Të dhënat e përpiluara nga Projekti i Migrantëve të Zhdukur treguan se 205 migrantë ishin regjistruar të vdekur ose të zhdukur në Kanalin Anglez që nga viti 2014.