Kërkimet pas zjarrit në bujtina në Rumani, 3 fëmijë dhe 4 të rritur mes viktimave

Në rajonin e Prahovës në Rumani vijojnë kërkimet për të zhdukurit pas zjarrit që përfshiu një kompleks bujtinash.

Deri më tani është konfirmuar se tre fëmijë kanë humbur jetën, si dhe katër të rritur. Autoritetet vijojnë kontrollet për gjetjen e viktimës së tetë.

Kampionet e ADN-së janë përdorur për të identifikuar trupat, që janë dëmtuar rëndë nga flakët.

Zjarri nisi në orët e para të mëngjesit të 26 dhjetorit, duke përfshirë dhomat e mbushura me pushues.

Bujtinat nuk kishin sisteme kundër zjarrit dhe pavarësisht se autoritetet kishin konfirmuar parregullsitë nuk kishin marrë masa ndaj biznesit. Pronari i tij është një person i botës së krimit në Rumani.

LEXONI GJITHASHTU:

• Pesë të vdekur nga zjarri në një bujtinë në Rumani
• Rumania jep alarmin për fruthin, e shpall epidemi