Është shtyrë për më 11 dhjetor seanca për Fredi Belerin lidhur me kërkesën për leje të posaçme për t’u betuar si kryebashkiak i zgjedhur i Himarës.

Në seancën e sotme në GJKKO kanë qenë edhe përfaqësues të Drejtorisë së Përgjithshme të Burgjeve, të cilët janë shprehur kundër dhënies së lejes për Belerin.

Kryebashkiaku i zgjedhur i Himarës i marrë i pandehur nga SPAK për korrupsion në zgjedhje kërkon leje të posaçme për t’u betuar në Këshillin Bashkiak.

Në vendimin e Gjykatës së Lartë thuhet qartë se lejen e posaçme për Belerin, nëse do t’i mundësohet ose jo, e cakton prokurori dhe jo drejtori i burgut.

Më herët Gjykata e Posaçme, e caktuar si kopetente nga Gjykata e Lartë, me një vendim të 26 qershorit 2023 refuzoi kërkesën e tij për leje të posaçme.

Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit.

Ai së bashku me bashkëpunëtorin e fushatës elektorale Pandeli Kokaveshi akuzohen për veprën penale të shit-blerjes së votave.

LEXONI GJITHASHTU:

• Berisha: Rama po bllokon negociatat vetëm pse Beleri po mbron tokat në Jug
• Kushtet për integrimin, Nesho: Arsyet pse Greqia nuk tërhiqet nga çështja “Beleri”