Kievi u kërkon ndihmë aleatëve: 1% të GDP-së armatime për Ukrainën

Bombardimet vazhdojnë në lindje të Donjeckut. Moska thotë se forcat e saj kanë marrë nën kontroll më shumë zona në perëndim të Bakhmutit.

Sipas të dhënave të fundit, trupat e Kremlinit kanë zotërojnë 3 nga 4 distriktet e qytetit për javë me radhë, ndërsa ato ukrainase vetëm një.

Sidoqoftë, kreu i grupit të mercenarëve “Wagner” paralajmëroi për rrezikun e përforcimeve të palës ukrainase, në veçanti me sisteme të reja antiajrore dhe trupa më të trajnuara.

Nga ana e tij, Kievi po përgatit brigada të reja dhe njësi luftarake për të rimarrë iniciativën në frontin e luftës dhe u ka kërkuar aleatëve më shumë mbështetje ushtarake.

Zëvendës ministri i Jashtëm, Andriy Melnyk u bëri thirrje atyre t’i kushtojnë 1 për qind të GDP-së së tyre për armatime në Ukrainë.

Ndërkohë, në fjalimin e përnatshëm, presidenti Volodymyr Zelensky njoftoi sanksione të reja kundër disa qindra kompanive që sipas tij investojnë dhe mbështesin agresionin rus.

LEXONI GJITHASHTU:

• Lula zbut qëndrimin për Ukrainën: Nuk thashë se Kievi ka faj, por duhet dialog
• Beteja për Bakhmutin. Rrusia pretendon avancimin, Kievi: Qytetin e kontrollojmë ne