Kina i del në krah Evropës për bisedimet e paqes Ukrainë-Rusi, qëndrimi i Pekinit

Kina ka theksuar se të gjitha palët e interesuara në konfliktin Rusi-Ukrainë duhet të jenë të përfshira në bisedimet e paqes, duke vënë theksin te roli i Evropës në zgjidhjen e krizës. Këtë qëndrim e ka shprehur ministri i Jashtëm kinez, Ëang Yi, në Konferencën e Sigurisë të Mynihut, pas një morie mesazhesh nga Shtetet e Bashkuara për mënyrën e përfundimit të luftës.

“Shpresojmë që të gjitha palët dhe ata që janë drejtpërdrejt të përfshirë të marrin pjesë në bisedimet e paqes në kohën e duhur,” ka thënë Ëang, sipas njoftimit të Ministrisë së Jashtme të Kinës. Ai gjithashtu ka shtuar se Kina mbështet çdo përpjekje të dedikuar për paqen, përfshirë konsensusin mes SHBA-së dhe Rusisë për zhvillimin e bisedimeve.

Ëang ka theksuar se është e nevojshme që Evropa të luajë një rol të rëndësishëm për paqen, duke adresuar shkaqet rrënjësore të krizës dhe duke ndihmuar në gjetjen e një kornize sigurie të balancuar, efektive dhe të qëndrueshme, për të arritur paqen dhe stabilitetin afatgjatë në Evropë.

Ministri kinez ka shprehur gatishmërinë e Kinës për të rritur komunikimin strategjik me Bashkimin Evropian dhe për të përmirësuar mirëkuptimin e ndërsjellë. Ai gjithashtu ka nënvizuar se Kina dëshiron të kontribuojë në sjelljen e stabilitetit global, duke diskutuar këto çështje me shefen e politikave të BE-së, Kaja Kallas, në margjinat e konferencës.

LEXONI GJITHASHTU:

• “Ka ardhur sherif i ri në qytet”- Vance shokon liderët evropianë në Mynihh
• Von der Leyen paralajmron Trump: Dështimi në Ukrainë dobëson BE-në dhe SHBA-të
• “Jeni tërbuar” Medvedev sulmon Evropën pas bisedës Trump-Putin: Koha juaj ka mbaruar