“Kina kërcënim për sigurinë”- Numri 2 i NATO-s: Partner ‘kyç’ i Rusisë

Numri dy i Aleancës së Altantikut Verior (NATO) e cilëson Kinën si kërcënimin më serioz për Perëndimin.

Pekini akuzohet për financimi të Rusisë dhe krijimin e tensioneve serioze me Tajvanin.

‘NATO e konsideron Kinën si shteti që mundëson drejtpërdrejt luftën midis Rusisë dhe Ukrainën’ tha në një deklaratë zëvendëssekretari i përgjithshëm i NATO-s, Mircea Geoană.

“Kina është një partner i Rusisë,”  u shpreh zyrtari i lartë  për Euronews në një intervistë ekskluzive në Samitin në Uashington.

“Realiteti është se ekziston një model agresiviteti që në thelb nxit luftën, pra ajo që po bën Rusia në Ukrainë. Kjo do të thotë se Kina është një kërcënim për sigurinë tonë”, theksoi gjenerali.

Komentet e tij erdhën pasi aleatët e NATO-s në Samit hartuan një komunikatë të ashpër duke e cilësuar Kinën si një “kërcënim”.

Sipas zyrtarit të lartë të NATO-s, gjuha e miratuar nga anëtarët e NATO-s në komunikatën e saj ishte “më e qartë, por edhe e kujdesshme”.

“Ne nuk po deklarojmë se Kina është armiku ynë. Nuk është. Ata janë një sfidë serioze për sigurinë evropiane. Dhe ky është një fakt. Ky partneritet pa kufi mes Rusisë dhe Kinës po thellohet dhe po bëhet më kompleks”, u shpreh gjenerali.

Sekretari i Përgjithshëm i NATO-s, Jens Stoltenberg, po ashtu akuzoi Kinën se i ofron Rusisë mjete, duke i mundësuar Kremlinit të ndërtojë arsenalin e tij ushtarak kundër Ukrainës.

Pekini ka hedhur poshtë pretendimet duke thënë se nuk i ofron ndihmë ushtarake Moskës, por se tregtia e saj me Rusinë ishte legjitime dhe e bazuar në rregullat e përcaktuara nga Organizata Botërore e Tregtisë.

LEXONI GJITHASHTU:

• Tajvani: Kina është kërcënim për stabilitetin e rajonit
• Kina dhe Bjellorusia nisin stërvitje të përbashkëta ushtarake pranë kufirit polak