Kina: “Kupola e Artë” e Amerikës mund të nisë një garë armatimesh

Kina ka paralajmëruar se sistemi amerikan i mbrojtjes nga raketat “Kupola e Artë” mund të rrisë rrezikun e një gare armatimesh në hapësirë.

Zëdhënësi i Ministrisë së Mbrojtjes së Kinës, Zhang Xiaogang, tha se aktivitetet e SHBA-së në lidhje me militarizimin e hapësirës shkelin parimet e Traktatit të Hapësirës së Jashtme, raportoi Xinhua.

“Këto veprime të SHBA-së po e hapin përsëri kutinë e Pandorës “, tha Zhang Xiaogang në një konferencë për shtyp, duke shtuar se asnjë vend nuk ka bërë më shumë se Shtetet e Bashkuara për ta shndërruar hapësirën në një fushë beteje të mundshme.

Kina i ka bërë thirrje Uashingtonit të ndalojë zgjerimin e pranisë së saj ushtarake në hapësirë ​​dhe të ndërmarrë hapa konkretë për të ruajtur stabilitetin strategjik global.